MISTERYOSA.COM ARCHIVES

Can’t understand the Filipino language? Click here.

Mahabang pagsasalaysay lang ng nangyari. Wala lang. Sensya na.

Nakakainis talaga pag may taong ang intense tumingin sayo. Nakasakay ako sa jeep papuntang school kanina. Male-late na ako. 4-7pm klase ko nun pero 3:35pm na, nasa SM pa rin ako. Nalibang kasi ako dito sa PT, hehe. Tapos napansin ko, yung mama sa harap ko, nakatingin sa akin. Nakatitig, mas appropriate yung word na yun. Di matawaran. Sarap sundutin ng bolpen ang mga mata niyang kirat. Badtrip. Sa may bandang Agham Road, may sumakay na isa pang mama. Napansin din niya na grabe tumingin yung lalaki sa harapan ko, tapos tingin siya ng tingin sa aming dalawa na para bang iniisip niya na may LQ kami. Nakakainis talaga. It’s uncomfortable to be stared at, lalo na’t nasa konteksto ng isang pampublikong lugar ang jeepney. Para malibang ako, tumingin na lang ako sa mga paa ng mga pasahero ng jeep.

Naisip niyo nba na sa jeep nagiging examiner tayo? Lalo na pag mahaba ang biyahe o kaya nama’y trapik. Wala tayong ibang magawa kundi tumingin sa labas, kaso masakit sa leeg, kaya titingin na lang tayo sa baba ng jeep. Makikita natin ang iba’t ibang uri ng paa: paang manicured ang mga kuko, paang patay ang mga kuko, paang puro paltos at eksema, paang mukhang tinubuan ng algae, paang pinamamahayan ng iba’t ibang organismong hindi nakikita ng hubad na mga mata. Andun na rin yung titignan natin ang suot nilang tsinelas/sandals/rubber shoes/flipflops/walang footwear. Makikita mo, Havaianas, Fila, Nike, Chucks, depende sa taong nakasuot. Kaya nga naiisip ko, imbes na pumasok ako sa paaralan na naka-tsinelas lang (akin nga pala yung Fila :p), dapat rubber shoes. Para tantanan ng mga malilikot na mata ang paa ko.

Anyway, sa wakas, bumaba na yung mamang kirat sa may Philcoa. May pahabol pang lingering look ang loko. Yung mamang ususyero naman, tumingin sa akin, akala bababa rin ako. Tapos kinausap ako..

Him: Akala ko magkasama kayo.
Me: Hindi po.
Him: Tingin kasi ng tingin sayo eh.
Me: Baka po banlag lang. Hindi naman po.

Buti na lang kay Oble lang ang baba ko, lakad lang ng onti para makapunta sa CMC bldg. Natakasan ko kaagad ang maruruming paa, kirat na mata, at ususyerong mama. Mahabang paglalakbay, ngunit ako’y buhay pa rin. Salamat naman.

Maaga kaming dinismis ni prof, mga 6:15pm pa lang ata nun. Nagkaroon lang ng halos dalawang oras na diskurso tungkol sa Communication Models, na hindi naman foreign sa akin dahil may Speech Comm ako dati sa UP Baguio at napagaralan ko na ang ilan sa mga komplikadong models na yun. Sayang lang ang readings namin for that topic, inabot ng Php100 ang xeroxing nun. Hindi ko naman binasa. Maaga sana ako makakauwi kaso trapik. Gusto uli ako isabay ng parents nina Ange at ng parents niya (lagi nila akong hinahatid sa sakayan ng SM tuwing Biyernes) kaso sabe ko maaga pa naman at medyo maliwanag. Gusto ko ring maglakad-lakad muna kaya ayun, naglakad ako from CMC hanggang sakayan ng jeep papuntang SM.

Mga 8:15pm na ata nung nakauwi ako. Check ako ng mail, ok naman, 2 mails lang at 10 spam. Check ko yung site ko, aba pucha! Ano nangyari? Mukhang may nag-activate ng bagong theme na ginawa ko na hindi pa masyadong tapos. Hindi ako makalogin sa admin panel ko, mukhang may nagiba ng password, pati na rin email address. Naku naman! Buti na lang karereset lang ng cPanel PW ko (recently hacked by a dumbass) kaya inedit ko na lang ang DB ko, tadah! Ayos, nakapasok na. Kaso mukha ngang may gumalaw ng precious WP ko. Chineck ko yung isa ko pang domain, black-apogee.net. Aba, iba na rin ang look! Bwiset! May gumalaw nga! Hindi rin ako makalogin sa admin. Shempre sa cpanel uli ako, kaso mukhang nag-upgrade ang Drawgweb ng Plesk kaya naiba ang password ko. Naretrieve ko naman agad. Edit DB tables lang, ayos na uli. At hulaan niyo kung kaninong pangalan ang nakita ko…

Robby

Little brother ko. Kate-ten lang nung June21. Isang malaking GA at isang malaking GO. Ginamit pala itong computer na ito (yung computer niya na computer ko dati nung nasa Baguio pa ako, nasa kwarto ng tatay namin – dun din siya natutulog) At aking napagtanto na na-access pala niya ang aking Gmail inbox thru Outlook Express. Nampucha. Kaya pala. Tapos nagulat ako, nagemail ang Philhosting sa akin na sa cPanel ko raw babaguhin ang PW ko. At nakita ko, nabasa ko ang orig mail sa Philhosting na “Can You Change My cPanel Password to ******?” Type pa lang, kapatid ko na. May tendency kasi siyang i-capitalize ang first letter ng words. Buking. Galit ako, sobra. Shempre, ganti-ganti lang yan. Inaccess ko ang inbox niya, alam ko kasi ang PW niya. At namangha naman ako.

May domains siya. At dalawa pa! http://www.myformsite.org/ at http://www.myformsite.net/ ang domains niya. Binili niya ang .ORG sa BlueHost, at take note, 2 years! Kaya $166.8 ang charge. Yung .NET naman ay sa Bravenet. Yung Premium WH pa talaga, 30GB space, free domain. $107.4 ang charge. Kanino naka-charge? Sa isang nagngangalang Patrick Jason Escobar, na ang credit card # ay ang cc# ng tatay namin ni Robby. Huwaawww!!! Astig! Nakita kong nagpa-register din ang mahal kong kapatid sa Dragweb, Philhosting, Nokiahost at meron pang 2 na hindi ko matandaan. At natawa ako kasi ni-register niya ang organized-chaos.org (pero hindi naapprove), na balak ko sanang bilhin kaso gusto ko .com eh taken na. Pambihira. Humigit-kumulang $350 ang na-charge sa credit card ng tatay namin.

So far, napa-cancel ko na ang myformsite.org. Yung sa Bravenet, ewan ko na lang. 30GB space din yun, 1 year. Sayang. May bumili kaya nun sa akin kung sakaling ibenta ko? Haha. Badtrip. Ang astig talaga ng kapatid ko. Mana sa akin kung tumira.

ENGLISH NA!!!!

Here’s another set of domain names I’m taking into consideration. And this time, I’m sure they haven’t been taken YET. I want a .COM. What do you think?

• lazyfreak
• quirkyass
• sensualbrat
• mesucks
• morbidwords
• brutallyhonest
• putak (a Filipino word)